В честь  праздника Мужества в лицее было проведено соревнование между отрядом профилактики и юнармии.

Өлкән укучылар Советы җитәкчелегендә оештырылган бәйрәм концертында барлык кызлар да актив катнаштылар.Лицейда белем алучы егетләрне бәйрәм белән котладылар,матур теләкләрен җиткерделәр.

Бу көнне авыл Мәдәният йортында лицей укучылары катнашында "Тел - халыкның көзгесе" исемле  авыл күләмендә бик зур әһәмияткә ия булган  чара уздырылды. Һәрбер сыйныф укучылары туган телләрендә матур итеп шигырьләр сөйләделәр, биеделәр,җырладылар.8 нче, 11 нче сыйныф укучылары Г.Камалның "Беренче театр" спектакленнән, 7 нче сыйныфлар Т.Миңнуллинның "Әлдермештән Әлмәндәр" спектакленнән өзекләр, 5 нче сыйныф укучылары Н.Дәүлинең "Җырлап узган җәй"спектаклен күрсәттеләр. Чара әти - әниләрнең катнашы һәм ярдәме  белән уздырылды..

Лицейның егетләр һәм кызлар җыелма командалары районкүләм волейбол ярышларында катнаштылар.

Башлангыч сыйныфлар атналыгында,  туган телләргә багышланган  "Зирәклек" бәйгесе уздырылды. Укучылар төрле табышмакларга, кызыклы сорауларга җаваплар бирделәр, үзара тапкырлыкта ярыштылар.

Лицей укучылары районкүләм "Йолдызлык - 2021" бәйгесенең "Хореография", "Вокал - соло", "Нәфис сүз" номинацияләрендә чыгыш ясап, яхшы нәтиҗәләр күрсәттеләр.Зайнуллин Мөслим - республикакүләм зона этабында "вокал - соло" номинациясендә катнашачак. Уңышлар телибез!

Ученица 11 класса Салимова Алина участвовала в муниципальном туре  конкурса "Замечательный вожатый" и награждена в номинации "Самый креативный отрядный вожатый".

Башлангыч сыйныфлар укытучысы Сөләйманова Гөлшат Ислям кызы 4 нче сыйныф укучылары белән районкүләм иҗади эшләр бәйгесендә катнашып, яхшы нәтиҗәләр күрсәттеләр.

1-4 нче сыйныф укучылары халык авыз иҗаты һәм көнкүреше музеенда экскурсиядә булдылар. Чарада сүз халыклар дуслыгы, мәдәнияте, көнкүреше турында барды. Укучылар башка милләт халкының милли киемнәре белән таныштылар.

7 нче сыйныф укучысы Тагирова Земфира рус әдәбияты фәненнән республика призеры булды. Котлыйбыз!