11 нче февраль көнне Тубылгы Тау гомуми белем бирү мәктәбе укучылары Казан шәһәренә И.Хәльфин конференциясенә барып кайтты.И.Хәльфин конференциясендә  катнашу  матур традициягә  кереп китте.Әлбәттә,фәнни-гамәли  эш башкару  бик зур тырышлыклар һәм сабырлык сорый.9 нчы сыйныф укучысы Хатыпова Ландыш  драматург М.Фәйзи иҗаты буенча чыгыш ясады.Иң беренче эш итеп ул үзенең җитәкчесе белән  октябрь аенда Балтач районы Шода авылына драматургның музей-утарынына барып күп мәгълүмат туплап  кайтты,ноябрь аенда 2 нче районкүләм конференциясендә катнашып  беренче урынны алды  һәм менә ниһаять 11 нче февраль көнне шушы эшләре белән лаеклы рәвештә беренче дәрәҗәле дипломга лаек булды.

Мин бу конференциядә беренче ел үземнең шигырьләрем белән чыгыш ясаган булсам,быел туган авылыбыз турында сөйләп һәм презентация күрсәтеп мактау граматасы алуга ирештем.9 нчы сыйныф укучысы Исмәгыйлева Гөлгенә Һ.Такташ иҗаты белән рус язучысы Маяковский иҗатын чагыштырып бәя бирде,”Мокамай” шигырен тын алмыйча сөйләде  барлык катнашучыларны ял иттерде һәм мактау граматасы белән бүләкләнде.Һәрберебезгә сертификатлар тапшырдылар.

Өч ел җиңүче укучылар әзерләгәне өчен җитәкчебез,кадерле әнием татар теле һәм әдәбияты укытучысы Хәлиуллина Гөлфия Ринат кызына карата җылы сүзләр әйтелде һәм лаеклы рәвештә мактау граматасы белән бүләкләнде.

  Безне Казан шәһәреннән исән-сау йөртеп кайтканы өчен Хатыпов Фаяз абыйга, Фаттахова Лилия апага зур рәхмәтебезне белдерәбез.