Парламент сәгатен 1 категорияле тарих һәм җәмгыять белемнәре укытучысы Вәлиуллин В.В. үткәрде. Чараның темасы: Татарстан Республикасы һәм Россия Федерациясенең дәүләт символлары. Россия Федерациясе һәм Татарстан Республикасы дәүләт символларының тарихы турында слайдлар күрсәтелде. Укытучы Татарстан Республикасының яңа гимн тексты белән  таныштырды. Чара Россия һәм  Татарстан гимннарын тыңлау белән төгәлләнде.

24 апрель көнне мәктәбебезнең 5,6 нчы сыйныф укучылары һәйкәл тирәсен җыештырдылар, себерделәр, чүп-чарларны җыйдылар.

Татар теле һәм әдәбияты укытучысы Латыйпова Рәмзия Минвәли кызы җитәкчелегендә бер төркем укучылар: Вәлиуллина Зөлфия Вәсил кызы, Шәйдуллина Ландыш Рәмис кызы, Фәтхетдинов Илнур Хамзә улы Зирекле музеенда үткәрелгән  "Шигырь бәйрәме"ндә катнаштылар. Алар туган як, экология темасына багышлап иҗат иткән шигырьләрен сөйләделәр.

20 нче апрель көнне укучылар, укытучылар, мәктәптә эшләүче хезмәткәрләр өмәдә  тырышып эшләделәр. Юл буйлары, мәктәп тирәсе, авыл чүп - чардан чистартылды. Мәктәп дирекциясе зур оешканлык белән тырышып эшләгән өмәчеләргә зур рәхмәтен белдерә.

Апрель ае керде исә чисталык темасы бөтен җитдилеге белән калка. Бу аңлашыла да – кышын кар безнең шапшаклыкны күпмедер яшерсә, язын бөтен чүп-чар күз алдына чыга. Шуңа да апрель ае башыннан республикада чисталык икеайлыгы игълан ителә.
Авылыбыз урамнарын, мәктәп территориясен кышкы кар астында яшеренеп яткан чүп-чардан арындыра башладылар: бүген агымдагы елның беренче чистарту өмәсе – “санитар чәршәмбе” се үтте. Бу өмәдә 1-9 нчы сыйныфлар һәм мәктәп педколлективы бик актив катнаштылар.

 "Пенсия белеме көне" уңаеннан югары сыйныфларда тәрбия сәгатьләре, ә башлангыч сыйныфларда әңгәмәләр үткәрелде. Укучылар үзләрен борчыган сорауларына интернеттан, брошюралардан төрле мәгълүматлар таптылар һәм видеолар карадылар.

8 апрель һәм 10 апрель көнне 9 нчы сыйныф укучылары рус теленнән, математикадан  Интеренет - тестирования эшләделәр.

Акбүре мәктәбе укучылары мәктәп территориясендәге карларны чистарттылар.

Уку елы дәвамында укучылар  макулатура җыюда  бик теләп һәм актив катнашалар:

1 кл. - 7кг.

2 кл. - 33,5 кг.

3 кг. - 33,6 кг.

4 кг. - 10,8 кг.

5 кг. - 23,5 кг.

6 кг. - 10 кг.

7 кг. - 12,8 кг.

8 кг. - 3 кг.

9 кг. - 4 кг.