9 нчы февраль-​ Татарстанның халык шагыйре, Г. Тукай һәм М. Җәлил исемендәге Дәүләт премияләре лауреаты, “Татарстанның атказанган мәдәният хезмәткәре”, Халыклар дуслыгы ордены кавалеры Фәнис Яруллинның туган көне. Бу көнне Фәнис Яруллин иҗатына багышланган​ укучыларның һәм укытучыларның республика фәнни-гамәли конференциясе узды. Ике елга бер ​ узучы әлеге конференция матур бер традициягә әйләнеп бара. Бүгенге залда​ әдәбият өлкәсендә сәләтле укучылар һәм укытучылар җыелды.Фәнис Яруллин үзенең язмышында кичергән бәхетле көннәре өчен иҗаты аша олы җанлы кешеләргә рәхмәт белдерә. ​ Ә без, укытучылар, яшь буынны аның ​ үрнәгендә тәрбиялибез.
Сегодня состоялась республиканская научно-практическая конференция учащихся и педагогов, посвященная творчеству народного поэта РТ Фаниса Яруллина. Раз в два года эта конференция становится прекрасной традицией.
Бу зур тантанада Татарстан Республикасының атказанган ​ мәдәният хезмәткәрләре,сәнгать эшлеклеләре, Казан шәһәре мәгариф идарәсе​ методик бүлегенең милли мәгариф эше буенча методисты Раиф Кәримулла улы Зиннәтуллин, Авиатөзелеш һәм Яңа Савин районнары буенча бүлек башлыгы урынбасары Эльмира Хәниф улы Хәмидуллина, “Бала-Сити” халыкара мәктәбе укытучысы, филология фәннәре кандидаты, кафедра доценты Мингазова Сәвия Галимҗан кызы (Фәнис абыйның якын туганы), Казан шәһәре​ Авиатөзелеш һәм Яңа Савин районнарының методик берләшмәсе җитәкчеләре, ​ Яңа Савин районы “103 нче рус-татар гомуми белем мәктәбе”нең​ ветеран укытучылары, югары категорияле татар теле һәм әдәбияты укытучылары катнаштылар. Мәктәбебезнең “Җилкәннәр” татар театры балалар коллективы Фәнис Яруллинның “Исемсез кыз” исемле әкият-пьесасын тәгъдим иттеләр.
Республика конференциясе бик эчтәлекле булды.Янып торучы укучыларны һәм укытучыларны күреп күңел сөенде. Дәвамлы эшләр булсын!
​Мин халкымның баласы,
Килми арып каласы-
Халык күңеленә таба
Барасы да барасы.
​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ Ф.Яруллин

Фото: https://vk.com/album-44170100_301511087