Электронное образование Республики Татарстан

Көз килде. Үләннәр
Саргайды, шиңде.
Сап-сары яфраклар
Җиргә сибелде.
Бүген без сары яфракларны рәсемгә төшердек.

Картаюның туган көне.

Яшең җитеп пенсиягә чыгу,
Картаюның туган көне ул.
Балалар да үсеп җиткән вакыт,
Төпле тормыш корган чоры ул.

Ә безгә тик шатланырга кала,
Бар да җиткән, тик саулык кирәк.
"Өлкәннәр"- дип, хөрмәт итсә яшьләр,
Рәхмәтлебез, тагын ни кирәк!

Шатланыйк без, шушы яшькә җитеп,
Якты дөньяларны күргәнгә.
Арабызда юк бит инде күпләр,
Бик яшь килеш китеп гүрләргә.

Кайгырышмыйк, картаябыз диеп,
Йөрәк белән без бит яшь әле.
Читләп үтсен кайгы-борчулар да,
Яшәү дәрте сүнмәсен әле.

Октябрьнең бере, өлкәннәр бәйрәме,
Кадер-хөрмәт.., бүләк бирделәр.
Күңелләрне күтәрерлек җылы сүзләр,
"Картаймагыз әле!"- диделәр.

Каян килгән картаюлар ди ул,
Күңел җәйдә адашып йөри.
Гомер көзләренең "әбиләр чуагы",
Картаерга гел ирек бирми!