Искиткеч гүзәл калабыз -Түбән Кама талантлы язучыларга, шагыйрьләргә, жырчыларга бик бай. Алар арасында инде шактый гына танылганнары да, яңарак кына үзләрен ижат эшенә башларга кирәк икәнен дә белүчеләр дә бар. Без аларның ижаты, тормыш юлы белән даими танышып торабыз. Кем әйтмешли, мең тапкыр ишеткәнче, бер тапкыр күр дигәнне хуплап, 8 нче урта мәктәбе коллективы татар теле һәм әдәбияты атналыгы кысаларында кунакка шәһәребездә яшәп ижат итүче шагыйрә, язучы, жырчы - Гөлшат Солтангалиева-Вәлиеваны кунакка чакырды. Шагыйрә, әлбәттә, бик теләп кабул итте чакыруны. Чара шулкадәр жылы, тыныч атмосферада үтте. Балалар Гөлшат ханымның шигырьләрен бик сәнгатьле итеп сөйләсәләр, шагыйрә дә үзенең тирән эчтәлекле шигырьләрен күңелләргә үтәрлек итеп укыды. Ул гына да түгел, искиткеч матур, моңлы тавышы белән бөтен залны яулады. Шунысын әйтергә кирәк, бу жырларның сүзләрен дә, көен дә Гөлшат Солтангулова-Вәлиева үзе язган, искиткеч. Балалар бер сулыш белән тыңлап, шагыйрәне алкышларга күмделәр, чәчәк бәйләмнәре бүләк иттеләр. 9 А сыйныф укучылары шагыйрәнең “Авыл кичендә…” әсәрен сәхнәләштереп, шәһәркүләм, республикакүләм бәйгеләрендә
катнашып призлы урыннар яуладылар. Әлбәттә, бүгенге чарада бу тамашаны аның авторына күрсәтмичә калу мөмкин түгел иде. “Мин сүзсем калдым, бу балалар бит чын артистлар,-дип бик сөенде автор. Гөлшат ханым да буш кул белән килмәгән, балаларга күчтәнәчләр өләште, мәктәп китапханәсенә һәм музеена үзенең “Уйлар агышы” дигән жыентыкларын бүләк итте. 8 нче мәктәп коллективы һәм балалар, бүгенге очрашу өчен оештыручыларга һәм, әлбәттә, Гөлшат Солтангулова-Вәлиевага зур рәхмәтлебез. Очрашу югары дәрәжәдә үтте, тагын да мондый очрашулар булып торыр дип ышанасы килә.