Күркәм шәһәребездә күп еллардан бирле, 2007 нче елдан Дәүләт театры исемен, 2012 нче елдан күренекле драматург Туфан Миңнуллин исемен йөртүче драма театры эшләп килә.  Без бу театрга еш йөрибез һәм аның артистлары белән якыннан танышырга телибез. Шушы көннәрдә 8 нче урта мәктәбенең 9 А сыйныф укучылары шәһәребезнең 2 нче номерлы китапханәсендә театрының артисты Хусаинова Нурсинә Илгизәр кызы белән очрашуда катнаштылар. Нурсинә ханым үзе белән якыннан таныштырды, үзенең башта башлангыч сыйныф укытучысы булуы, аннан соң Казанда артист һөнәрен үзләштерүе, башкарган рольләре турында сөйләде. Тормыш иптәше белән , шәһәребез театры чакыруы буенча , Түбән Камага килеп төпләнүе турында да әйтеп үтте. Укучылар кунагыбызның сәнгатьле итеп шигырьләр укуын тын да алмыйча тыңладылар. Очрашу ахырында Нурсинә ханым тарафыннан “Иң игьтибарлы тамашачы” номинациясендә жиңүчегә бүләк буларак театрга билет тапшырылды. Чара бик кызыклы үтте, оештыручыларга бик зур рәхмәт.