Жир йөзендәге иң кадерле, иң изге кеше - әни, әнкәй… Бу якты дөньяга килгәч тә безне, йомшак куллары белән сыйпап, ак биләүгә биләүче, еласак, жыр көйләп юатучы, татлы йокыдан иркәләп уятучы, яшәргә көч-дәрт бирүче, гомер буена кайгы-шатлыкларыбызны уртаклашучы, тормышыбызның бизәге, таянычы, акыллы уй-фикерләре белән тормыш дигән олы юлдан алып баручы ул. Шәһәребезнең 8 нче урта мәктәбендә “Әниләр көне” нә багышланган чара гөрләп узды. Актлар залы әниләр, әбиләр белән шыгрым тулы иде. Балаларның искиткеч чыгышларыннан аларның йөзләре балкый,  йөрәк жимешләре белән бергә жырлап, бәйгеләрдә катнашып утырдылар.  Чарадан кунакларыбыз бик канәгать калдылар. Кадерле, газиз әниләр! Сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер телибез. Балаларыгызга картайган көннәрегездә дә терәк булып, ә сезгә, гомер буе алар янәшәсендә, кадер-хөрмәттә яшәргә язсын.