8 нче мәктәпнең 8 нче а сыйныф укучылары "Интеллектуаль очрашулар" кысаларында Г. Тукай исемендәге үзәк китапханәдә булдылар. Укытучы-остаз, педагогик хезмәт ветераны А. Усачева беләночрашу онытылмаслык булып үтте.Ул үзенең сугыш чоры, укытучы булып эшләве, әдәби әсәрләр язуы турында сөйләде, үзенең шигырьләрен укыды, яшьләргә үгет-нәсихәт бирде. Укучылар викторинада  катнаштылар, үзләре кызыксынган сорауларга җавап та алдылар. Бу очрашу бик эчтәлекле, матур булды һәм күңелләрдә тирән эз калдырды. Бу очрашуны оештыручы китапханә хезмәткәрләренә зур рәхмәтебезне белдерәбез һәм аларга эшләрендә иҗади уңышлар теләп калабыз.