2014 нче елның 6 нчы май көнне Н.М.Максимов исемендәге 1нче мәктәптә милли эшләр буенча директор урынбасарларының “Уку гамәлләрен формалаштыруда индивидуаль һәм диффернциаль якын килү” дип исемләнгән киңәшмә узды. 
Киңәшмәнең кереш өлешен 1нче мәктәпнең директоры Салихова Г.Ф.кереш сүзе белән башлады, мәктәптәге милли мәгариф торышы хакында мәгълүмат бирде. Киңәшмәдә 1 нче мәктәпнең татар теле һәм әдәбияты укытучылары Н.И.Усманова,М.В. Шамбазова тарафыннан әзерләнгән дәресләр каралды. 8 нче мәктәпнең татар теле һәм әдәбияты укытучысы В.М.Галина, Кама Аланының 2 нче мәктәбенең укытучысы Ә.В.Исмәгыйлева чыгышлары тыңланды.Каралган дәресләргә Р.Г.Сәгъдиева, В.Р.Сафиуллина тарфннан бәя бирелде.

Милли мәгариф өлкәсендә үткәрелә торган күп кенә чараларда катнашып, яшь буынны тәрбияләүгә үзләреннән зур өлеш кертүче Аксакаллар шурасы әгъзалары Мансур Корбангали улы, Ягъфәров Мингаян Ягъфәр улы, Хәммәтхәсән Гыйззатулла улы һәм мәгариф идарәсенең укыту-методик яктан тәэмин итү бүлеге методистлары Исмәгыйлева Р.Р., Сабирова Г. М.тарафыннан 1нче мәктәп коллективының укыту-тәрбия процессы белән таныштылар һәм катнашучыларга фидакарь хезмәтләре өчен зур рәхмәт белдерделәр.