27 нче апрель көнне И.Х. Садыйков исемендәге Балалар һәм яшьләр иҗаты сараенда “Көйле, моңлы татар җыры” бәйгесенең гала-концерты үткәрелде. Чара  Бөтендөнья татар конгрессы вәкилләре, “Кама таңнары” әдәби берләшмәсе, Аксакаллар шурасы әгъзалары, белем бирү оешмалары җитәкчеләре, укытучылар, укучылар катнашында узды. Йомгаклау кичәсендә алдынгы җыр төркемнәре Бөтендөнья татар конгрессының Түбән Кама муниципаль районы бүлеге рәисе, шәһәр советы депутаты,  “Шинник” спорт комплексы директоры Ганиев Рөстәм Мәҗит улы тарафыннан бүләкләнде. I урынга лаек булган хор төркемнәренә (М.Җәлил исеменедәге 1 нче гимназия, 14 нче лицей, 31 нче мәктәп) акчалата премияләр тапшырылды. Призлы урын алган, төрле номинацидә җиңү яулаган мәктәпләргә кыйммәтле бүләкләр бирелде.