Ә.З.Рәхимовның Иҗади үсеш технологиясе нигезендә әзерләнгән дәресләрне өйрәнү уку елы башыннан  алып барыла. Максат – Ә.З. Рәхимов технологиясен гамәлдә кулланылышка кертү өчен тьюторлар барлау. Шул максаттан 28 нче февраль көнне 25 нче гимназиянең татар теле һәм әдәбияты укытучысы Осипова Гөлчәчәк Талип кызының 7 нче сыйныфта үткәрелгән дәресе  каралды. Гөлчәчәк Талиповна Иҗади үсеш технологиясенә нигезләнгән дәресләрнең  белем алуга ихтыяҗ формалаштыруда зур этәргеч булуы, укучыларның белем сыйфаты үсешенә уңай йогынты ясавын ассызыклады. Комиссия әгъзалары үткәрелгән дәресне уңышлы дип билгеләде.