Балалар бакчасында күңел ачу чарасын сабыйлар көтеп алалар.«Җәй нинди төстә?» дип аталган күңел ачу чарасында балалардан җәйне нинди төс белән бәйләр идегез дип сораштырдык. Алар җәй яшел, сары, кызыл, зәңгәр төсләр белән бәйләделәр. Җәй – ул балаларның түземсезлек белән көтеп алган ел фасылы. Бу кояшлы, җылы көннәрдә  саф һавада бакчада уйнау, урманга сәяхәт итү , су керү, коену өчен матур вакыт. Кемнәрдер җәен гаиләләре яки иптәшләре белән чиста комлыкта кояшта кызынып ятыр өчен диңгезгә ял итәргә китәләр, экскурсияләргә чыгалар.  Балалар җәйнең һәр көнен уйнап, шаярып, рәхәтен күреп үткәрәләр. Шулай да беренче карашка сизелми дә үткән кебек тоелган ел фасыллары, көннәр һәркемдә җуелмас тәэсирләр калдыра. Без сораштыру алып барган кешеләр дә, мизгелне бер генә минутка булса да туктатып, әйләнә-тирә мохитка күз салып, җәйнең нинди төстә булуын күзалларга тырыштылар. Әлбәттә инде балалар уеннар уйнап, җырлап биеп күңел ачтылар.