Җиргә матур язлар килгәч, туган якларына кошлар кайтып, көннәр җылынгач татар-төрки халкы бик матур бәйрәм уздыра. Бу бәйрәм – Нәүрүз бәйрәме.

      Без дә 25 апрель көнне балалар бакчасында Нәүрүз бәйрәмен билгеләп үттек. Нәүрүз кызыныӊ урманда адашып калуын язныӊ беренче хәбәрчесе - кара карга хәбәр итте. Ярдәмгә кыю, җитез, көчле Батыр килде. Батырныӊ юлында Аю, Шүрәле, Куян  очрады. Батырга билгеле аларныӊ җәзаларын үтәргә туры килде. Батырга балалар ярдәмгә килделәр. Алар шигырь сөйләделәр, җырладылар, биеделәр. Шүрәле белән уеннар уйнадылар. Батыр Нәүрүз кызын табып урманнан алып кайтты. Бәйрәмебезгә Кыш бабай да килде.  Кыш бабайны күргәч балалар бик сөенделәр. Бергәләп күӊел ачтылар.   Кыш бабай Нәүрүз кызы белән ярышып карады. Җиӊелүен  аӊлагач  балалар белән хушлашып китте. Менә ниһаять туган илебезгә яз килде.

Язлар, җәйләр имин булсын, күк йөзе аяз булсын.

Барчабызга сәламәтлек, бәхет алып килсен!