“Йөрәгемнең иң түрендә иң кадерлем – әнием” декадасы кысаларында мәктәбебездә төрле чаралар үтә. VI. VII сыйныф укучылары катнашында китапханәдә “Якташ язучыларыбыз иҗатында Әниләр” темасына китапханә дәресе үтте. Укучылар шагыйрьләребезнең шигырьләрен укыдылар, әниләр турында мәкальләр әйттеләр, үзләренең иҗат җимешләре белән дә уртаклаштылар. Дәрес Ф.Садриевнең “Таң җиле” романыннан өзек белән тәмамланды ”Кадерле укучым! Әгәр битләреңнән назлы җилләр иркәләсә, сандугач сайраулары, агач яфраклары лепердәшкән авазлар йөрәгеңә кереп, бәгыреңне өзсә, бел – бу әниеңнең рухы булыр...”