Илебез буенча октябрь ае башында Өлкәннәр көне уздырыла. Төрле җирләрдә котлаулар, бүләкләүләр, искә алулар бара. Безнең мәктәбебез коллективы да төрле елларда эшләп, лаеклы ялга чыккан укытучыларны мәктәпкә бәйрәм чарасына дәште. Башлангыч сыйныф укучылары бик матур концерт куйдылар. Бәйрәм табын артында дәвам итте.  Бу чараны ел саен оештырган, өлкәннәрне хөрмәтләгән өчен мәктәп коллективына рәхмәт хисләрен җиткерделәр.