Мәктәпнең волонтер отряды егетләре мәчет ихатасын тәртипкә китерделәр. Алар ремонт эшләреннән соң таралып калган чүп-чарларны җыеп түктеләр, иске такталарны рәтләп өеп куйдылар. 

Өлкән класс укучыларының “Көзге бал ”кичәсе үтте. Әлеге чараны 9 класс укучылары класс җитәкчеләре Шаяхметова Миләүшә Мөдәрисовна ярдәме белән оештырдылар һәм алып бардылар. 8, 10 һәм 11 класс укучылары бәйрәмдә концерт номерлары белән катнаштылар. 

Гает бәйрәме алдыннан мәктәпнең волонтер отряды авыл мәчетенә шефлык белән барды. Анда укучылар мәчет бинасының бүмәләрен җыештырдылар: идәннәрен себерделәр, келәмнәрен кактылар, тузаннарын сөрттеләр. Бушаган су савытларына су ташып куйдылар. Укучыларның ярдәменнән авылыбыз өлкәннәре бик канәгать булдылар. 

Башлангыч класс укучыларының көзге Сөмбелә бәйрәме үткәрелде. Бу бәйрәмгә быел балалар бакчасында йөрүче балалар да кунак итеп чакырылган иделәр. 4 класс укучылары оештырып алып барган бу чарада һәр класс “Шалкан ”әкиятен төрле вариантта сәхнәләштереп күрсәтте.

Урта звено укучыларының “Көзге уңыш бәйрәмнәре” булды. Укучылар бәйрәм барышында үзләренең сәнгать өлкәсендәге осталыкларын күрсәттеләр. Һәр класс концерт номерлары белән чыгыш ясады. Шулай ук алдан игълан итеп үткәрелгән рәсем, көзге букетлар конкурсларына да йомгак ясалды. 

Мәктәптә “Тәмлетамак” ункөнлеге оештырылып уздырылды. Бу көннәрдә һәр класс укучылары класс җитәкчеләре ярдәме белән тәм-том ярминкәсе үткәрделәр. Балалар үзләре пешергән кулинария ризыкларын иптәшләренә авыз иттереп кенә калмыйча, рецеплары һәм әзерләү нечкәлекләре белән дә уртаклаштылар. Сәүдә итүдән кергән табышны класс кирәк-яракларына файдаланырга җыеналар.

Мәктәпнең Булат Вәлиев исемендәге дружина советы “Укытучыңны котла”акциясенә кушылып чара үткәрде.

Укытучыларга багышлап язылган җырлар яңгырап торган, матур бизәлгән мәктәп ишек төбендә бүләкләр һәм котлау сүзләре белән каршы алучы укучыларын күрү укытучыларның күңелләренә хуш килде.

Өлкәннәр көне һәм профессиональ бәйрәмнәре уңаеннан лаеклы ялдагы укытучылар белән бәйрәм иртәсе оештырылды.Чара барышында башлангыч класс укучылары көче белән концерт күрсәтелде, бүләкләр тапшырылды. Соңрак бәйрәм түгәрәк өстәл артында дәвам итте.

Бәйрәмнән өлкәннәр бик канәгать калдылар. 

День был приурочен к проведению акции "Посади дерево". Учащиеся 7-11 классов приняли активное участие: принесли саженцы разных деревьев. Несмотря на неясную погоду все остались довольны проделанной работой.

В руках у школьников – красивые букеты,
Звучат красивые слова и тут, и там.
Деревья даже по особому одеты!
И низкий всем поклон родным учителям!

Пусть будут вам ученики всегда послушны,
Их прилежание пусть удивляет вас!
А вы же оставайтесь благодушны,
Пусть настроение ваше будет – высший класс!

1 октябрь- Халыкара өлкәннәр көне. Буген бездэ лаеклы ялдагы укытучылар Гайнуллина Тәнзилә Фарук кызы һәм Хафизова Фәния Гыйльмулла кызы кунакта булдылар. Башлангыч класс укучылары концерт номерлары белән чыгыш ясадылар.

Авыл китапханәсендә бергә яши башлауларына түгәрәк даталарны билгеләп үтүче парлар белән очрашу кичәсе оештырылды. Әлеге кичәдә 30 елдан артык бергә гомер итүче Ризвановлар, Кадыйровлар,  40 ел бергә яшәүче Чинаевлар гаиләләре белән бергә, көмеш туйларын  күптән түгел билгеләп үткән  Энҗе һәм Наил  Ильясовлар да катнаштылар.