Зурлар төркемендә лимонның үзлекләрен тәҗрибә аша өйрәнделәр. Балалар лимон турында белемнәрен арттырдылар, аның файдалы, витаминнрга бай җимеш булуын белделәр.

Кечкенәләр төркемендә балалар белән бергә уен бүлмәсен кар бөртекләре,кар бабайлар, җәнлек силуэтлары белән бизәделәр. Кыш турында шигырьләр, җырлар өйрәнделәр.

Якынлашып килүче Яңа ел бәйрәме уңаеннан кечкенәләр төркемендә тәрбияләнүчеләр кисеп ябыштыру эшчәнлегендә чыршы ясадылар һәм аны төрле төстәге түгәрәкләр белән бизәделәр.

Туган телләр һәм халыклар бердәмлеге елы кысаларында мәктәпкә әзерлек төркеме балалары бакчаның мини-музеенда булдылар.Алар татар халкының көнкүреше, милли киемнәре, ризыклары турында белемнәрен киңәйттеләр.

Туган телләр һәм халыклар бердәмлеге елы уңаеннан зурлар төркемендә "Минем яраткан әкиятем" темасына рәсем эшчәнлеге узды. Балалар татар, рус, мари, чуаш халык әкиятләре буенча яраткан әкият персонажларын рәсемгә төшерделәр.

Кечкенәләр төркемендә физик культура шөгылендә  традицион булмаган спорт җиһазлары кулланыла. Мондый эшчәнлекләр балалар өчен аеруча кызыклы һәм мавыктыргыч уза. Җиһазларны ясауда әти-әниләр ярдәм итәләр.

Туган телләр һәм халыклар бердәмлеге елы уңаеннан "Театр һәм балалар" проекты кысаларында кечкенәләр төркемендә тәрбияләнүчелә "Теремкәй" рус халык әкиятен уйнап күрсәттеләр.

Юл куркынычсызлыгы кагыйдәләрен искә төшерү, ныгыту максатыннан зурлар төркемендә "Юлда йөрсәң уяу бул!" дигән темага кызыклы чара узды. Балалар урам аша чыкканда игътибарлы булырга, саклык чаралары турында онытмаска кирәклеген өйрәнделәр. Юл йөрү кагыйдәләре турында биремнәр эшләделәр, табышмаклар чиштеләр.

Туган телләр һәм халыклар бердәмлеге елы уңаеннан Татарстан Республикасы флагы көне кысаларында мәктәпкә әзерлек төркемендә әңгәмә узды. Балалар символикалар турында белемнәрен киңәйттеләр, Татарстан гимнын тыңладылар.

Әниләр көне уңаеннан бакчада тәрбияләнүчеләр әниләргә бүләк-открыткалар ясадылар, әниләрне котлап видеролик төшерделәр.