Газиз халкым, Сабан туең җитте,

Чал тарихлы милли бәйрәмең.

Колгаларда җилферди бит, әнә,

Мәйданнарга дәшеп әләмең.

Тематик  көннәр бик күңелле үтә. Шарлар көне уңаеннан  балалар белән шарлар кулланып төрле кызыклы  уеннар уйнадык .

Бакча балалары белән Иске Карамалы авыл җирлегендә авылдашыбыз Рушат Рахимов истәлеге итеп балалар уен мәйданчыгы урнашкан ял паркы ачу тантанасында катнаштык.

Зурлар төркеме балалары белән "Һәрвакыт булсын кояш" дигән темага асфальтта рәсем ясадык.

Кечкенәләр төркеме балалары өчен  кече сабантуй бәйрәме узды. Балалар төрле уеннарда бик теләп катнаштылар.

Балаларны яклау көне уңаеннан зурлар төркемендә халкыбызның милли бәйрәме- Сабантуй узды. Бәйрәмдә көрәш, капчык киеп йөгерү, таяк тартышу, кашыкка йомырка салып йөгерү, чүлмәк вату кебек уеннар уйнадылар, күз бәйләп җепкә тагылган бүләкләр кистеләр.

"Сау бул, бакча"дигән исем астында мәктәпкә әзерлек төркеме балаларының  бакча белән саубуллашу иртәсе үтте. Алты  җитез, уңган , шук малайларыбызны мәктәпкә озаттык.

Кечкенәләр төркеме балалары  кисеп-ябештерү эшчәнлегендә геометрик фигуралар белән келәм бизәделәр. Түгәрәк һәм шакмакларны чиратлаштырып ябештерделәр.

Кечкенәләр төркеме балалары белән бакчадагы чәчәк аткан агачларны күзәттек. Балалар слива агачы белән таныштылар, аларның матурлыкларына карап сокландылар

Бакчаның мәктәпкә хәзерлек төркеме балалары Күбәк урта мәктәбендә узган "Соңгы кыңгырау" бәйрәмендә катнаштылар.