Полиция бүлегеннән килгән вәкил урамда, җәмәгать урыннарында үз-үзеңне тоту кагыйдәләрен, “комендант сәгате”н үтәргә киңәш итте. Ул укучыларны спиртлы эчемлекләр һәм тәмәке куллануның зыяны турында искәртте, шулай ук бу начар гадәтләрнең никадәр хәвефле булуы  турында аңлатты, укучыларның тышкы кыяфәте, мәктәптә һәм җәмәгать урыннарында үз-үзләрен тотышы, укучыларның укытучыларга, өлкәннәргә һәм яшьтәшләренә карата ихтирамлы һәм яхшы мөнәсәбәттә булуы мәсьәләләренә кагылды.Инспектор районыбыз юлларындагы вәзгыять хакында сөйләде, юл хәрәкәте кагыйдәләрен бозу аркасында килеп чыккан аварияләргә тукталды. Ул шулай ук юлда велосипедчылар, мотоциклчылар һәм җәяүлеләр үтәргә тиешле кагыйдәләр хакында үтемле итеп аңлатты, җәяүлеләргә караңгы сәгатьләрдә яктылык кайтаргычлар куллану зарурлыгын искәртте.