Мәктәбебезнең югары сыйныф укучылары өчен төрле, һөнәр ияләре белән очрашу, фикер алышу бик мөһим. Бүгенге очрашугакилгән кунакларыбыз мәктәбебезне төрле елларда тәмамлаган, бүгенге көндә  төрле уку йортларында белем алучы студентлар иде. Укучылар студент тормышы турында, дәресләр, яшәү шартлары хакында, беренче көннәрдә булган дулкынланулары, мәктәпне сагынулары турында сөйләделәр, чыгарылыш сыйныф укучыларына алга таба нинди һөнәр сайлау буенча үзләренең киңәшләрен дә бирделәр.