Туган телләр һәм Халыклар бердәмлеге елы уңаеннан  Түбән Табын төп гомуми белем бирү мәктәбендә Әфганстанда үзләренең хәрби бурычларын үтәп кайткан җирлегебез ветераннары белән очрашу булды. Очрашуга районыбыз әфган ветераннары берлеге рәисе Госманов Данил Дамир улы да килгән иде. Кичәдә мәктәп коллективы әфганчыларга багышлап эшләгән видеофильмны тәкъдим итте. Мәктәпкәчә балалар төркеме һәм укучылар үзләренең бәйрәм шигырьләрен, җырларын башкардылар. Соңыннан 2-9 нчы сыйныфлар арасында  чаңгы ярышы үткәрелде. Җиңүчеләргә әфганчы ветераннар тарафыннан әзерләнгән бүләкләр һәм грамоталар тапшырылды. Ветераннар, очрашудан алган тәэсирләре белән уртаклашып, укучыларга һәм мәктәп коллективына  үзләренең рәхмәтләрен җиткерделәр.