Бүген, 28 нче гыйнвар көнне  Түбән Табын төп гомуми белем бирү мәктәбенең мәктәпкәчә яшьтәге балалар төркеме хезмәткәрләре  талантлы ата – аналарны һәм балаларны ачыклау йөзеннән “Татар халык ашлары”конкурсын уздырды. Конкурста 4 яшьтән – 7 яшькә кадәрле  балалар катнашты. Алар өйләрендә әти – әниләре белән берлектә, тозлы камырдан татар халкының берәр милли ризыгын ясап алып килеп, үз эшләрен якладылар. Шулай ук әлеге эшчәнлекләренә алар кечкенә генә китапчык ясадылар. Анда  ни өчен әлеге ризыкны сайлаганнары, ризыкның тарихы, ничек ясаганнары (фотосурәт) һәм  рецепт   турында мәгълүмат тупланган.