Бүген мәктәптә бик матур, тирән эчтәлекле, тәрбияви чара узды.Укучылар һәм укытучылар Әфганстанда интернациональ бурычларын үтәп, исән- имин әйләнеп кайткан якташларыбыз Галиев Зиннур, Шәрипов Маис, Шакиров Айдар белән очраштылар.Әфганчылар үзләренең күңел хәтирәләре белән уртаклаштылар, укучыларның сорауларына җавап биреп, солдат хезмәтенең җаваплы да, шул ук вакытта күңелле  дә мизгелләрен искә төшерделәр. Очрашуның икенче өлешендә 5-9 сыйныф егетләре төз атуда көч сынашты һәм әфганчы абыйларының бүләкләренә лаек булдылар.Очрашуны оештырган, кунакларны чәй өстәле янында сыйлауны тулысынча үз өстенә алган Рүзәл Фәнис улына барлык коллектив исеменнән бик зур рәхмәт әйтәсе килә.