«Ватаным Татарстан» газетасын укып үзеңә икеләтә бүләк аласың. Беренчедән, мәкаләләрен укып, аң-белем алсаң, икенчедән, төрле конкурсларда катнашып. Мәсәлән, безнең мәктәп укучысы Айсылу Зарипова “Бу ни бу?” дип исемләнгән фотоконкурста катнашты. Үзенчәлекле хат авторы буларак, аңа махсус бүләк – җырчы Салаватның 50 видеоклипы тупланган DVD дискы җибәрелде.

Газетаның җомга саны күп төрле сәхифәләргә бай. 2-3 нче битләрендә ил, республика яңалыклары бик әйбәт яктыртыла. Әдәбият-сәнгать сәхифәләрен укып ләззәт алсаң, дин һәм тормыш сәхифәсендә дини яңалыклар белән беррәттән кеше өчен бик кирәкле булган догалар белән танышасың.  Бу догалар безнең һәр-беребезне төрле гөнаһ эшләрдән саклый. Белем һәм тәрбия сәхифәсе мәгариф яңалыкларына багышланган. Монда язылган  мәкаләләр әти-әниләр өчен дә, укучы балалар өчен дә бик кирәкле булып торалар.

Урта битләрдә урнашкан Гаилә, Сәламәтлек, Серле Сандык,Яшьлек сәхифәләрендә тупланган мәкаләләр әйтеп бетергесез файдалы. Хәтта, Яшьлек сәхифәсендә “Шәп кадр” исемле конкурс та урнашкан. Үзеңне фотога төшерү осталыгында сынап карый аласың.

Гомумән, “Ватаным Татарстан” газетасы барлык яшь кеше өчен дә, өлкәннәр өчен дә кирәкле һәм файдалы газета булып тора.

Укыгыз, укыгыз файдасы күп белегез!