15 нче сентябрь көнне мәктәпкүләм ата-аналар җыелышы үткәрелде. Җыелышта Югары Табын авылының фельдшеры Җәләлетдинова Гүзәл Фаяз кызы наркотик матдәләрнең куркыныч китерүе хакында ата-аналарга аңлатты.  

13 нче сентябрь көнне Югары Табын авылында яшәүче Садиков Айдар Рәҗәп улы мәктәптә Корбан гаетенә багышлап бәйрәм өстәле әзерләтте. Чарада мәктәп укучылары, укытучылар, авылыбызның имам хатибы, ветеран укытучыларыбыз катнашты. 

9 нчы сентябрь көнне "Иминлек" айлыгы кысаларында Түбән Табын авыл җирлегенең участковые Хабибуллин Рафик белән очрашу булды. Рафик укучыларга тәртип, үз-үзеңне тоту кагыйдәләре белән таныштырды. Мәктәп коллективы бу очрашудан бик канәгать булып калды.

3 сентябрь - илкүләм Беслан трагедиясе дип игълан ителде.Тарих укытучысы Ахметвалиева Р.М.1-9 нчы сыйныф укучыларына сыйныф сәгате үткәрде.

3 -25 сентябрь көннәре "Иминлек" айлыгы дип игълан ителде. Тормыш иминлеге нигезләре укытучысы Валеев Ф.Ө. белән берлектә тәрбия завучы Әмирова М.Р. айлык планын төзеп укучыларга аңлаттылар, пожар куркынычсызлыгы буенча да аңлатулар булды. Укучылар куркынычсызлык дәфтәренә кулларын куйдылар.

1 сентябрь көнне 1-9 сыйныф җитәкчеләре "Мөслим - бүген, иртәгә" исеме астында сыйныф сәгатьләре үткәрделәр.

1 сентябрь - Белем бәйрәме мәктәптә оешкан төстә үтте. Укучылар матур итеп чыгыш ясадылар, килгән кунаклар бәйрәм тантанасыннан канәгать калдылар. Бәйрәм тантанасында бик күп кунаклар катнашып, матур теләкләрен җиткерделәр.

Мәктәпне тамамлаучы укучыларга төп гомуми белем турында аттестатлар тапшырылды.

Киләчәктә аларга унышлар телибез!