Укучылар көче белән мәктәп бакчасында суган, чөгендер утыртылды. Укучылар бик тырышып эшләделәр.Бакчада барлык яшелчәләр дә утыртылып бетте.

12 нче май көнне мәктәпкүләмендә бакчада суган, кишер, чөгендер утырттык. Шулай ук әтиләр советы әгъзасы Гибадуллин Гаяз абый үз тракторы белән бәрәңге җирен эшкәртеп, утыртып бирде. Мәктәп коллективы исеменнән Гаяз абыйга рәхмәтебезне белдерәбез. 

Экология икеайлыгы кысасында Тугаш башлангыч мәктәбе укучылары да читтә калмадылар, бәйрәмгә һәйкәл тирәсен, уен площадкасын җыештырдылар. Укучыларга рәхмәтләребезне җиткерәбез. 

Бүген, Тамьян авылында бик матур чара булды. Авыл уртасында авыл халкы тырышлыгы белән мемориал такта ачылды. Шушы чара да безнең мәктәп укучылары да катнаштылар.1,7 нче сыйныф укучылары әби-бабайларга  концерт номерлары күрсәттеләр.  Авыл халкы укучыларга рәхмәтләрен эйттеләр. 

Мәктәп үзидарә членнары венокка чәчәкләр ясадылар. Валеев Ф.Ө. укучыларга венокны ясап бирде, ә үзидарә укучылары венокны чәчәкләр белән бизәделәр. 

Чисталык икеайлыгы кысасында мәктәпкүләмендә бакчаны, тирә-якны җыештыру оештырылды. Һәр кеше бик теләп катнашты.

Чисталык икеайлыгы кысасында Тугаш башлангыч мәктәбе укучылары да мәктәп территориясен җыештырырга чыктылар. 

Чисталык икеайлыгы кысасында мәктәпкүләмендә укучылар белән берлектә тирә-якны чистарттык. Укучыларга рәхмәтебезне белдерәбез. 

Бүген, 27 апрель - рәсәйкүләм парламент көне. Шул уңайдан тарих укытучысы Ахматвалиева Р.М. 5-9 нчы сыйныф укучыларына сыйныф сәгате күрсәтте. Укучылар сыйныф сәгатеннән белемнәрен ныгыттылар.  

26 апрель- бөек шагыйребез Габдулла Тукайның туган көне.Шул уңайдан шигырь бәйрәме үткәрелде. Укучылар Тукайның шигырьләрен сөйләделәр, Тукай шигырьләренә язылган җырларны башкардылар. Бәйрәм чарасы бик матур булды.