Бүген, 27 апрель - рәсәйкүләм парламент көне. Шул уңайдан тарих укытучысы Ахматвалиева Р.М. 5-9 нчы сыйныф укучыларына сыйныф сәгате күрсәтте. Укучылар сыйныф сәгатеннән белемнәрен ныгыттылар.  

26 апрель- бөек шагыйребез Габдулла Тукайның туган көне.Шул уңайдан шигырь бәйрәме үткәрелде. Укучылар Тукайның шигырьләрен сөйләделәр, Тукай шигырьләренә язылган җырларны башкардылар. Бәйрәм чарасы бик матур булды. 

Татар халкының бөек шагыйре Габдулла Тукайның тууына 132 ел тулу уңаеннан Мөслим үзәк китапханәсе "Без- Тукай оныклары!" дип исемләнгән шигырь бәйгесе оештырды. Сөләйманова Диләрә (1 кл.), Шириева Раилә (1 кл.), Садриев Раяз(2 кл.), Идиатуллина Аделина (3 кл.) беренче турдан узып икенче турда катнашып Дипломга лаек булдылар. Укучыларга рәхмәтләребезне җиткерәбез.

26 апрель - Габдулла Тукай тууына 132 ел тулу уңаеннан уңаеннан район үзәгендә шигырь бәйрәме оештырылды. Безнең мәктәптән Сөләйманова Диләрә (1 кл. укытучысы Шакирова Ә.М.), Бухарин Айзат (7 кл. укытучысы Әмирова М.Р.)  шигырь бәйрәмендә катнаштылар. Шигырь бәйрәменнән укучылар матур хисләр белән кайттылар.

Башлангыч сыйныф укучылары тыл ветераны Тәзкирә апа Әхәтоваларда кунакта булдылар. 88 яшьлек апабыз күзлексез дә йөгерек укый, бер дә ялгышмыйча яттан "Мокамайны" ны сөйли. Хәтере яхшы, тормыштан тәм табып, бар кешегә игелек теләп яши. Балалар да шигырьләр сөйләделәр, Тәзкирә әбиләренең рәхмәтен алдылар.

Батырлык дәресе уңаеннан Югары Табын авылында яшәүче сугыш ветераны Габдрахимов Габдрахман Габдрахимович янында башлангыч сыйныф укучылары белән бергә очрашуда булдык. Укучылар сугыш ветеранына концерт номерлары күрсәттеләр. Габдрахман бабай укучыларның чыгышыннан бик канәгать булды. Сугыш ветераны балаларга матур теләкләр теләде,  күргән авырлыклар турында  сөйләде. Укучылар бик игътибар белән тыңлап утырдылар. Безнең күңелләрдә матур истәлекләр калды.

Экология икеайлыгы кысасында мәктәпкүләмендә укучылар белән берлектә тирә-якны җыештырдык. Башлангыч сыйныф укучылары чүпләрне җыйдылар, 5-9 сыйныф укучылары бакчаны җыештырдылар.

7 нче сыйныф укучылары Югары Табын авылында яшәүче тыл ветераны Нәдилә апа янына очрашуга бардылар. Укучылар Нәдилә апага концерт номерлары күрсәтеп күңелен күтәрделәр. Нәдилә апа укучыларга бик зур рәхмәтләрен белдерде. 

Бүген 4 нче сыйныфларда рус теленнән тест өлеше, 5 нче сыйныфларда математикадан рәсәйкүләм тикшерү эшләре эшләделәр.

Экология икеайлыгы кысасында биология укытучысы Сафаргалина Илмира Мөбаракшовна 1-9 нчы сыйныф укучыларына "Кошлар дөньясына сәяхәт" дип исемләнгән сыйныф сәгате үткәрде.Сыйныф сәгатендә укытучы укучылар белән берлектә кошларга карата викторина, "Сорау - миннән,  җавап сездән!", язгы сынамышлар бәйгесе, мәкальләр беләбезме? буенча уен - сәяхәт оештырылды. Чара бик яхшы булды.