Балалар белән "Әбиемнең серле сандыгы" темасына әңгәмә үткәрдек.Тәрбияче калфак,түбәтәй,алъяпкыч,чигүле сөлгеләр,кулъяулыклар белән таныштырды.

Тәрбияче балаларны "Өч дуңгыз баласы"  әкияте белән таныштырды.Балалар хайваннар дөньясы белән якыннан таныштылар.Хайваннарга карата игътибарлылык,ярату хисе тәрбияләнде.

Балалар белән татар халкының милли киеме алъяпкыч бизәдек.Татар халкының милли орнаментлары белән таныштылар.

Балалар белән картинадан "Көзге көннәр" темасына әңгәмә үткәрдек.Сөйләм теле баетылды,дөрес сөйләү күнегүләре камилләштерелде.

Балалар белән геометрик фигуралар белән таныштык.Алар шул фигуралардан төрле предметлар ясадылар.

Балалар белән сөйләм теле үстерү өстендә "Көзге табигать" темасына хикәя төзеп сөйләделәр.Көз турында шигырьләр кабатладылар.Хәрефләрне дөрес әйтү күнегүләре ныгытылды.Сөйләм теле баетылды.

Бүген безнең балалар бакчасына Мөслим районы янгын сүндерү инспекторы Тайбактин Вильям Сергей улы килде.Ул балаларга электр приборлары турында,алар белән сак эшләргә кирәклеген аңлатты.Балаларда сакчыллык,игътибарлылык тәрбияләнде.

Математика дәресендә балалар предметларның саннар арасында бәйләнешен өйрәнделәр.Предмет санына туры килгән цифрны табарга өйрәнделәр.Игътибарлылык,күзәтүчәнлек тәрбияләнде.Предметларны санау күнегүләре камилләштерелде.

Балалар "Кулъяулык бизибез" темасына кисеп ябыштырдылар.Кайчыны дөрес тотып кисү күнегүләре,клей белән ябыштыру күнегүләре ныгытылды.Чиста,пөхтә эшләү күнегүләре ныгытылды.

Балалар белән рус теле дәресендә "Детский сад" темасына рольле уен уйнадылар.Бакчадагы уенчык исемнәрен тәрбияче татарча әйтте,балалар  русча әйттеләр.Сөйләм теле ныгытылды,игтибарлылык тәрбияләнде.