Балалар белән юл йөрү кагыйдәләрен өйрәнүне дәвам иттек.Балалар мондый уеннарны бик яраталар.

Балалар белән пластилиннан тавыкларны чебешләре белән ясадылар.Балаларның кул чуклары ныгытылды,чисталык-пөхтәлек тәрбияләнде.

Балалар белән төсләрне өйрәнү өстендә "Предметның төсен әйт!"-уенын өйрәндек.Төп төсләрне балалар беләләр.Игътибарлылык,хәтерне ныгыту күнегүләре камилләштерелде.

Бүген балалар белән авылыбызның фельдшерлык пунктына экскурсия оештырдык.Ул үзенең эш тәҗрибәсе белән уртаклашты.Балаларга авырмас өчен күбрәк витаминнар ашарга кирәклеген аңлатты. Иртән торгач күнегүләр ясау бик файдалы,- диде.

Балалар белән сөйләм телен үстерү өстендә даими эш алып барыла."Кайсы кош кайда яши?"- темасына логик уен оештырдык.Балаларның игътибарлылыгы,күзәтүчәнлек тәрбияләнде.

Тәрбияче балаларны йорт кошлары белән таныштырды.Балалар йорт кошларының исемнәрен хәтерләрендә калдырдылар.Кошларны ашату,тәрбияләү турында сөйләштеләр.

Балалар белән "Сау бул,Көз!" темасына бәйрәме үткәрдек.Балалар җырладылар,биеделәр.Хәйләкәр Төлке бәйрәмне бозарга азапланды.Көзбикә балалар белән уеннар уйнады,күчтәнәчләр өләште.Бәйрәм күңелле мизгелләр белән истә калыр.

Балалар белән көз турында җырлар өйрәндек.Көзге табигатькә мәхәббәт хисе,күзәтүчәнлек тәрбияләнде.

Балалар белән "Зонтиклар" бию өйрәнәбез.Гәүдәне төз тоту,хәрәкәтләрне хәтердә калдыру күнегүләре  булдырылды.

Балалар "Елгада көймәләр йөзә" темасына кисеп ябыштырдылар.Сызыклар буенча кисү күнегүләре камилләштерелде.Клей,кайчы  белән сак эшләү күнегүләре ныгытылды..