Мәктәптә экологик айлык дәвам итә. Укучылар әтиләре ярдәме белән ясалган сыерчык ояларын урнаштыруда ярдәм иттеләр. Мәктәп ихатасында үсеп утыручы агачларга 5 сыерчык оясы беркетелде.

Укучылар,укытучылар көче белән язның беренче өмәсе оештырылды.Мәктәп ихатасындагы кар өемнәре чәчелде, сулар агар өчен ерымнар ясалды.

Республика күләмендә үткәрелгән “ Балачак планетасы” балалар анимациясе фестивалендә, 1 класс укучысы Шәрифуллин Рүзәл ,“ Пластилин могҗизасы” номинациясендә, 1 урын алуга иреште.

Туган ягыбызга яз килгәнен хәбәр итеп, җылы яклардан күчмә кошларыбыз кайта башлады. 1 - 4 класс укучылары өчен “ Кошлар – безнең дуслар”  темасына викторина үткәрелде.

Укучылар “Татар әдәбиятында һәм сәнгатендә мөслимлеләр” дип исемләнгән район музеенда экскурсиядә булып, якташ язучыларыбыз, шагыйрьләребез, сәнгать әһелләре  белән таныштылар.

Метрәй мәктәбендә тәрбияләнүчеләр һәм укучылар район күләмендә үткәрелгән “Яшь бөреләр” фестиваленең сайлап алу турында катнаштылар.

2 нче апрель- бөтендөнья балалар китабы көне уңаеннан,  укучылар авыл китапханәчәсе Даутова Р.С. белән очраштылар, уку өчен әдәби китаплар алдылар.

1 апрель-Кошлар коненә багышланган “Кошлар- безнең дусларыбыз” дип исемләнгән балалар иртәсе үтте.

Мәктәптә кошлар көненә багышлап,  “Иң матур оя” бәйгесе игълан ителде. Укучыларыбыз  әтиләр ярдәме белән бәйгегә 5 сыерчык оясы ясап алып килделәр.

Укучылар, мәктәпкәчә төркем балалары район күләмендә үткәрелгән “Яшь бөреләр” фестиваленең зона турында катнаштылар. Нәфис сүз, вокал, хореография номинацияләре буенча уңышлы чыгыш ясап,  9 номер белән сайлап алу турына үттеләр.