21 нче февраль, Туган телләр көне уңаеннан, мәктәпкәчә яшьтәге балалар һәм укучылар катнашында “Туган телем - хәзинәм” дип аталган балалар иртәсе булды. Туган тел турында шигырьләрне яттан укыдылар, җырлар башкардылар, тел турында белемнәрен тирәнәйттеләр.

Укучыларыбыз кулланышта булган батарейкаларны җыюны дәвам итәләр.

Башлагыч сыйныф укучылары белән “Җиңү яулаучылар – Ватан данын яклаучылар” темасы буенча әхлак дәресе узды.

Укучыларның Парламент дәресе – 2022 кысаларында  “Мин-гражданин! Минем хокукларым һәм бурычларым. Конституция балалар күзлегеннән”  дигән рәсем бәйгесенә эшләре җибәрелде.

Кошлар ашханәсенә шефлык дәвам итә. Балалар кошларны ипи валчыклары, ярмалар белән сыйлыйлар.

Мөслим үзәк китапханәсе үткәрә торган “Моабит дәфтәре” һәм Мөслим-информ оештырган “Туган телем- иркә гөлем” бәйгеләренә укучыларыбызның видеоязмалары җибәрелде.

15 нче февраль - сугышчы-интернационалистларны искә алу көне. Шул уңайдан мәктәбебездә совет гаскәрләренең Әфган иленнән чыгарылуы, сугышта катнашкан авылдашларыбыз Хәйбрахманов Нияз, Сабиров Тәлгать абыйлар турында мәгълүмат бирелде. Ногманов Фәргать Фәһемулла улы белән читтән торып очраштылар. Без алар белән горурланабыз!

 Муса Җәлилнең 116 еллыгына багышланган балалар иртәсе үтте. Герой-шагыйрьнең тормыш юлы, көрәштәшләре турында мәгълүмат бирелде. Укучылар Җәлил шигырьләрен яттан укыдылар.

Укучыларның хакимият турындагы белемнәрен тирәнәйтү максатыннан башлангыч сыйныфларда “Мин-гражданин! Минем хокукларым һәм бурычларым” исеме астында парламент дәресе узды. Дәрестә җирле үзидарә башлыгы Яббаров Илнар Назиф улы катнашты.

Куркынычсызлыкны тормышка ашыру максатыннан  мәктәп ашханәсе түбәсе кардан чистартылды. Бу өмәдә балаларның әтиләре, абыйлары, бабайлары һәм  мәктәп хезмәткәрләре катнашты.