Мәктәпкәчә яшьтәге балалар төркемнәре авыл мәдәният йортында экскурсиядә булдылар. Анда эшләүче абый-апалары белән, аларның эшчәнлеге белән таныштылар.

Авыл мәдәният йортында узган "Нәүрүз" бәйрәмендә катнаштык.

22нче март көнне Мәлләтамак башлангыч мәктәбендә райондагы филиал башлангыч мәктәбе укытучыларының "Азкомплектлы мәктәп шартларында укучыларда иҗади эшчәнлек формалаштыру "исеме астында семинар үтте.Көн тәртибендә Россиядә "Укытучы һәм остаз елы "буларак ачык дәресләр каралды.Татарстанда "Милли мәдәниятләр һәм гореф-гадәтләр"елы кысаларында мастер -класслар,класстан тыш чара үткәрелде һәм чыгышлар тыңланды.Семинар бик эчтәлекле һәм кызыклы булды. Әлеге семинарда мәктәбебездән Әхмәвәлиева Лилия Нәҗип кызы катнашты.

Март ае – яз башы, бик матур ай. Бу ай озак заманнар буе яңа елның беренче ае булып йөргән. Язның көн белән төн тигезләшкән вакыты 21 – 22 март – Нәүрүз бәйрәме буларак билгеләнеп үтелгән.Нәүрүз – язны каршылап, язгы чәчү эшләре алдыннан үткәрелә торган халык бәйрәме ул.Нәүрүз сүзенең мәгънәсе фарсыча яңа көн (ел) дигәнне аңлата.Бу көнне өйдән-өйгә кереп, теләк теләп, сый-бүләк җыеп йөргәннәр. Йорт хуҗаларына яңа елда саулык-иминлек, кырларга бай уңыш, кешеләр бер-берсенә озын гомер теләгәннәр.
Нәүрүз ул – игелек, дуслык бәйрәме. Бу гүзәл, язгы матур бәйрәм көнендә кешеләр бер-берсенә кунакка йөриләр, үзләре дә кунак чакыралар, булган үпкәләрен оныталар, бер-берсен гафу итәләр. Ул бәйрәмгә яз кызы гүзәл Нәүрүзбикә килә.
Менә шуңа күрә, Нәүрүз ул – тынычлыкка, матурлыкка өндәүче бәйрәм.

Бүген 21 нче март - көн белән төн тигезлеге көнен, Нәүрүз бәйрәмен Метрәй башлангыч мәктәбе укучылары авылдашларына Нәүрүз такмаклары, матур изге теләкләр белән билгеләп үттеләр. 

Бүген башлангыч сыйныфлар белән "Кырымның Россиягә кушылуы" дигән темага сыйныф сәгате узды. 

Атнабызны флаг күтәрү тантанасы белән башлап җибәрдек. Эшләребез уңышлы булсын!

"Мөһим мәсьәләләр турында" проекты кысаларында рус балалар язучысы Сергей Михалковка 110 яшь тулу уңаеннан класс сәгате үткәрелде. Балалар язучының "Дядя Степа" әсәре буенча төшерелгән мультфильмны карадылар, геройларның уңаймы, тискәреме икәнен ачыкладылар

3 нче сыйныф укучысы Миргалимова Зәйнәп  Республика олимпиада үзәге үткәрә торган әйләнә- тирә дөнья фәненнән "Эрудит" олимпиадасында катнашты.

Педагоглар һәм остазлар елы кысаларында ветеран укытучы, озак еллар мәктәбебез директоры вазифасын башкарган Галимов Мирзанур Миргалим улын туган көне белән котладык.