Бүген, 28 нче май көнне, Казан шәһәренең Идел буе дәүләт физик культура, спорт һәм туризм академиясе университетында республика олимпиадаларының йомгаклау этабы җиңүчеләрен, россиякүләм предмет олимпиадалары призерларын һәм җиңүчеләрен, аларны әзерләүче педагогларны һәм остазларны бүләкләү тантанасы узды. Әлеге чарада татар теле һәм рус теле буенча республика олимпиадасы җиңүчесе Мөслим лицееның 11 нче сыйныф укучысы Шакирова Алинә һәм остазы Әхмәтшина Ч.Т. катнаштылар. Алинәгә һәм укытучылары Ситдыйкова Чулпан Индус кызы һәм Әхмәтшина Чулпан Таһир кызына Татарстан Республикасы Мәгариф һәм фән министрлыгының Рәхмәт хатлары тапшырылды. Уңышларыгыз белән котлыйбыз, иҗади югарылыклар телибез!