Электронное образование Республики Татарстан

Мөслим районында "Татар әдәбияты һәм сәнгате көннәре” кысаларында, бүген Мөслим лицеенда “Әдәби мәйдан” исемле чара узды. Чарада шагыйрә, телевизион һәм радиотапшырулар алып баручы, Бөтендөнья татар конгрессы Башкарма комитетының баш референты, ТР атказанган сәнгать эшлеклесе, Саҗидә Сөләйманова, Һади Такташ  исемендәге әдәби пермияләр лауреаты, Мөслим районының Мактаулы гражданины Шәмсия Җиһангирова һәм язучы, тәрҗемәче,  Филология фәннәре кандидаты, Гаяз Исхакый, Шәйхи Маннур исемендәге премияләр лауреаты Фатиһ Котлу катнаштылар

8 сентябрь – Россия халыклары телләре көне уңаеннан Мөслим лицееның 10-11 нче сыйныф укучылары өчен тәрбия сәгате узды. Укучыларга «Россия халыклары телләре» исемле видеоязма тәкъдим ителде. Видеороликны караганнан соң, укучылар үзләренең тәэсирләре белән уртаклаштылар. Чара укучыларда туган телгә, шулай ук Россиядә яшәүче башка халыклар телләренә хөрмәт уятырга, милли үзаңны көчәйтергә юнәлдерелгән иде

Россия Федерациясе халыклары телләре көнен бәйрәм итүгә багышланган чаралар кысаларында, бүген, 8 сентябрьдә, лицей укучылары «Әкият көне» республика акциясенә кушылдылар. 4б сыйныфы укучылары китапханәдә Татарстан халыклары фольклоры дөньясы белән таныштылар. Әдәби салон кысаларында китапханәче һәм туган (татар) теле укытучысы Ситдикова Эльвира Дамир кызы балаларга бөек шагыйрь Габдулла Тукайның тормыш юлы һәм иҗаты турында сөйләде, тематик китап күргәзмәсендә әсәрләренең яңа басмалары белән таныштырды.