Татар теле һәм әдәбияты укытучысы  Сафина Ләйсән Ягъфәр кызы – «Туган телдә укытучылар арасында ТР территориясендә яшәүче халыкларның туган телләрен саклауга һәм үстерүгә юнәлтелгән проектларны гамәлгә ашыру» конкурсы  призёры. Конкурс Татарстанда яшәүче халыкларның этномәдәни һәм рухи үсешенә ярдәм итү, Россия җәмгыяте нигезләре буларак традицион рухи-әхлакый кыйммәтләрне саклау, гомумроссия граждан һәм Татарстан тәңгәллеген ныгыту максатларында уздырыла. Республика этабында 131 укытучы катнашты. Алар туган телләрне, шул исәптән татар телен үстерүгә юнәлтелгән проектлар тәкъдим иттеләр. Конкурс җиңүчеләре һәм призёрлары проектны гамәлгә ашыру өчен акчалата бүләк (грант) алачак. Ләйсән Ягъфәровна, җиңүегез белән котлыйбыз!