20 август көнне район мәдәният йортында "Мөслим муниципаль районы мәгарифе:сыйфатлы күрсәткечләр, стратегик ориентирлар,төп бурычлар" исеме астында август киңәшмәсенең пленар утырышы узды. Мәгариф өлкәсендә күпьеллык нәтиҗәле хезмәте өчен лицейның математика укытучысы Р.З. Зиннаттуллина, татар теле һәм әдәбияты укытучысы А.Г. Латыйпова Россия Федерациясенең мәгариф һәм фән министрлыгының Мактау грамоталары, тарих һәм җәмгыять белеме укытучысы С.Н. Җәләева "Мәгарифтәге казанышлары өчен" күкрәк билгесе, лаеклы ялдагы башлангыч сыйныфлар укытучысы Р.Х. Исламова "ТРның мактаулы остазы" күкрәк билгесе, инглиз теле укытучысы А.Ф.Гәрәева район башлыгының Мактау грамотасына лаек булдылар. Бәйрәмдә дәүләт йомгаклау аттестациясендә югары баллы нәтиҗәләр әзерләгәннәре өчен Р.З. Зиннәтуллина, С.Н. Җәләева, С.Р. Хаҗиева, Л.Л. Нуриева, Р.М. Хафаева район Башлыгының премияләре белән бүләкләнделәр. Мөслим лицее коллективы “Урман иле” лагеренда балаларның җәйге ялын мавыктыргыч һәм файдалы оештыруга зур өлешен керткәне өчен район башлыгының Рәхмәт хатына лаек булды. Укытучыларыбызның уңышлары белән котлыйбыз, алда зур уңышлар телибез.