Бүген Мөслим лицеенда Гаилә елын ачу тантанасы узды. Төрле номинациядә берсеннән берсе матур,тырыш, сәнгатькә, спортка гашыйк, гореф-гадәтләрне саклаучы, күп балалы, оста куллы гаиләләр сәхнә түрен алды. Гаилә дуэтлары чыгыш ясады, кул эшләре күргәзмәсе оештырылды, ата-аналар комитетлары актив катнашты. Алдынгылар хәрәкәте активистлары әти-әниләр белән акция оештырдылар. Безнең чакыруны кабул итеп килгән әти-әниләргә тирән рәхмәтебезне белдерәбез, Гаилә елында үзара хезмәттәшлегебез тагын да ныгыр дигән теләктә калабыз.