23 нче сентябрь көнне «Кояшлы Ык» ял зонасында Укытучылар һәм Өлкәннәр көне уңаеннан матур чара узды. Бәйрәм тантанасы 224 лаеклы ялдагы ветераннар парады белән башланып китте. Районыбыз мәгариф хезмәткәрләре ел дәвамында узган бәйгеләр нәтиҗәләре буенча, 30, 35, 40, 45 ел хезмәт стажы һәм үсеп килүче яшь буынны укытуда, тәрбияләүдә ирешкән уңышлары өчен Мактау грамоталары, истәлекле бүләкләр белән бүләкләнделәр. Татарстан Республикасының халык артисты Рөстәм Закиров һәм аның гаиләсе концерты исә бәйрәм бүләге буларак һәр катнашучы күңелендә матур истәлекләр калдырды.