Мөслим лицееның 6а, 7б сыйныф укучылары Ижау шәһәрендә экскурсиядә булдылар. Алар Удмуртиянең башкаласында зоопаркта хайваннар һәм кошлар белән таныштылар, шәһәрнең матур урыннары беркемне дә битараф калдырмады. М.Т. Калашников исемендәге ату коралы музей-күргәзмә комплексында экскурсовод батырларның тормышлары белән таныштырды. Сәфәр мавыктыргыч булды, балалар күп кенә яңа, кызыклы яңалыклар белделәр. Кызыклы экскурсияне оештыруда ярдәм иткән мәгариф бүлеге җитәкчесе Хәбибуллина Лилия Ягдиевнага, МУПХО оешмасы җитәкчесе Марат Кашаповка, 6б сыйныфы ата-аналар комитеты әгъзасы  Эльза Ибраһимовага иксез рәхмәтләребезне белдерәбез.