Туган тел көненә һәм Габдулла Тукайның туган көненә багышланган чаралар кысаларында, бүген 6нчы сыйныф укучылары өчен “Якташ әдипләребез - Габдулла Тукай премиясе лауреатлары” исемле чара үтте. Педагог-китапханәче Ситдыйкова Эльвера Дамир кызы Г.Тукай исемендәге Дәүләт премиясе лауреаты, Татарстанның атказанган сәнгать эшлеклесе, Мөслим муниципаль районының Мактаулы гражданины, язучы Фоат Садриев һәм язучы, Татарстанның атказанган мәдәният хезмәткәре, Татарстанның Г. Тукай, Г. Исхакый, А. Алиш, И. Юзеев исемендәге премияләре лауреаты Факил Сафинның тормыш юлы һәм иҗаты буенча виртуаль күргәзмә тәкъдим итте. Үзәк китапханә хезмәткәре Зилә Мөдәррис кызы Тукай премиясе лауреатлары Ләбиб Лерон һәм Зөлфәт иҗаты турында сөйләде.