7нче октябрьдә 2б сыйныфы укучылары  өчен Үзәк китапханәдә “Китап яши торган йорт” исеме астында чара узды. Укучыларга китапханә буйлап кызыклы экскурсия оештырылды.  Китапханәче Кашапова М.Р. балаларга «уку залы», «абонемент», «китап фонды», «китап уку формуляры» ның нәрсә икәнен аңлатты. Китап эшкәртү хезмәткәрләре Мингазова Г.К., Васильева А.Р., Идиятуллина Г.М. укучыларга картотека белән эшләүне күрсәттеләр, фондтагы китаплар турында мәгълүмат бирделәр, матур әдәбият һәм бүлектәге китапларның ничек урнашуын аңлаттылар. Библиограф Солтанова А.М. укучыларга китапханәгә балалар өчен килүче газета-журналларга күзәтү ясады, периодика белән таныштырды. Соңыннан укучыларга якташ язучыбыз, балалар шагыйре  Мөҗәһит Әхмәтҗановның тормыш юлы һәм иҗаты, китаплары турында тирәнтен белешмә бирделәр, шигырьләре, табышмаклары белән таныштырдылар.Чара барышында балалар үзләренең яттан өйрәнгән шигырьләрен сөйләделәр. Кызыклы викторинада катнашып, активлыклары өчен бүләкләнделәр.