Бүген Габдулла Тукай исемендәге дәүләт премиясе лауреатлары стелласында әлеге дәрәҗәле премиягә лаек булган дүртенче райондашыбызның фотосы урын алды. Якташыбыз драматург, юморист, Татарстанның атказанган сәнгать эшлеклесе, Ш.Маннур, А.Алиш, М.Җәлил исемендәге бүләкләр иясе, "Безнең мирас" журналы баш мөхәррире Ләбиб Лерон стелланы ачу тантанасында  шәхсән катнашты. Мөслим лицее укучылары һәм укытучылары да әлеге тантаналы чарада катнаштылар. “Милли моңнар” курайчылар ансамбле  башкаруында милли көйләр яңгырады.