14 апрельдә район мәдәният йортында “Фоат Садриев укулары” проекты кысаларында “Милли тәрбия- җирлегебез киләчәге” исемле районкүләм чара узды. Бөтендөнья татар конгрессы каршындагы «Ак калфак» татар хатын-кызлары иҗтимагый ​ оешмасы рәисе Идрисова Кадрия Рәес кызы катнашындагы​ әлеге чарада лицей директоры Әхмәтшина Ч.Т., тәрбия эшләре буенча директор ​ урынбасары Нуриева Л.Л., татар теле һәм әдәбият укытучылары, 10нчы сыйныф кызлары катнашты. Методик эшләр буенча директор урынбасары, татар теле һәм әдәбияты укытучысы Латыйпова А.Г. “Мәгарифтә милли проектлар” темасына чыгыш ясады. Камалетдинова А.Н. җитәкчелегендә “Кул эшләре” түгәрәгендә шөгыльләнүче кызлар ​ үзләре иҗат иткән​ “Татар кызы” милли киемнәр коллекциясен тәкъдим итттеләр.
​