10 ноябрьдә Мөслим муниципаль районы Башкарма комитеты җитәкчесе Хуҗин Альберт Роберт улы лицей коллективы эшчәнлеге  белән танышты. Мөслим лицее - бай матди-техник базага ия, төзекләндерелгән территориясе һәм заманча дизайны булган, укучыларының һәм мөгаллимнәренең уңышлары һәм казанышлары белән аерылып торган  белем бирү учреждениесе. Очрашу барышында соңгы еллардагы үзгәрешләр, нәтиҗәләр күрсәтелде  һәм алда торган бурычлар саналды, матди чыгымнар таләп итә торган планнар аталды. Шуларның берсе - кайбер сыйныф бүлмәләрендә, тәрәзәләре тузган булуы аркасында, җылылыкның нормадан түбән булуы. Район җитәкчелеге ярдәме белән бу  көннәрдә лицейның  сыйныф бүлмәләрендә ремонт эшләре төгәлләнде. Бүгенге көндә укучыларыбыз җылы, якты бүлмәләрдә укыйлар.