Туган телләр һәм халыклар бердәмлеге елы кысаларында, 11а сыйныфы укучылары үзәк китапханә базасында китапханәчеләр hәм "Мөслим туган як музее" хезмәткәрләре оештырган   "Аулак өй" фольклор бәйрәмендә булдылар. Укучылар әби-бабаларыбыздан калган гореф-гадәтләр, җыр - биюләр белән таныштылар. Үзләре дә бик теләп,  "Сукыр тәкә",  "Серле сандык" кебек  татар халык уеннарында катнаштылар. Бәрәңге әрчүдә, токмач кисүдә көч сынаштылар, үзләренең җитезлекләрен, осталыкларын күрсәттеләр. Чара ахырында Түбән Кама  мәдрәсәсендә дин дәресләре укытучы Роза Кашапова чыгыш ясады, укучыларны шигырьләре белән таныштырды, үгет-нәсыйхәтләрен җиткерде.