Бүген Мөслим лицеенда татар теле һәм әдәбияты атналыгы "Мин татарча сөйләшәм" акциясеннән башланып китте. “Мин татарча сөйләшәм,киләчәкне үзгәртәм!” девизы астында узган акциянең төп максаты-укучыларны  татарча матур итеп сөйләшүгә өндәү, татар телен куллану сферасын киңәйтү, татар теленә мәхәббәт тәрбияләү. Тәнәфесләр вакытында укучылар өчен “ачык микрофон” эшләде. Укучылар үзләре яратып башакара торган  шигырьләрен классташлары, дуслары каршында сөйләү мөмкинлеге алдылар. Икенче катта укучылар өчен татарча караоке урнаштырылды. "Мин татарча сөйләшәм" акциясенә укытучылар да кушылды. Физика, география, биология, математика, инглиз теле дәресләрен татарча үткәрү укучыларда фәнгә кызыксыну арттырды. Акция «Бердәм татарча диктант” белән тәмамланды. Барлык фән ияләре дә диктантка теләп катнаштылар.