25 нче май көнне Мөслим лицеенда  соңгы кыңгырау чылтырады.  Бәйрәмгә кунак итеп чакырылган район башлыгы, район советы рәисе Рамил Муллин олы тормыш юлына аяк басучы укучыларга уңышлар, чыгарылыш сыйныфларга алга таба имтиханнарны яхшы гына тапшырып, тормышта үз урыннарын табуны теләде. Бу елны лицейны 11 сыйныфтан – 10, 9 сыйныфны – 28 укучы тәмамлады. Бәйрәмдә төрле фән олимпиадаларында, бәйгеләрдә, спорт ярышларында катнашып, җиңү яулаган укучыларга мактау грамоталары тапшырылды. Алда беренче сынаулар көтә. Ни генә булмасын, имтиханнарны уңышлы тапшыруыгызны телибез! Сезгә дөньяның матурлыгын, тормышның асылын, яшәү ямен һәм мәгънәсен аңлап яшәргә язсын.