26 нчы апрельдә Мөслим авылының Пушкин паркында Габдулла Тукайның 130 еллык юбилее уңаеннан “Тукай - безнең күңелләрдә” исемле бәйрәм уздырылды. Әлеге чарада Мөслим лицее укучылары “Печән базары” дигән театральләштерелгән тамаша күрсәтттеләр, Г.Тукайның шигырьләрен сөйләделәр, аның сүзләренә язылган җырларны башкардылар. Бәйрәмдә мәгариф идарәсе начальнигы Демидов Рафаэль Тимофеевич, мәгариф идарәсе урынбасары Харисова Ләйлә Мирзанур кызы, мәгариф идарәсенең милли мәгариф буенча методисты Шәймарданова Нурания Әзһәм кызы, шагыйрь, Абдулла Алиш, Саҗидә Сөләйманова исемендәге бүләкләр иясе, халык мәгарифе отличнигы, Татарстанның атказанган укытучысы, Мөслим районының мактаулы гражданины Мөҗәһит Заһит улы Әхмәтҗанов, Габдулла Тукай исемендәге Дәүләт бүләге иясе, Халык язучысы, Мөслим районының мактаулы гражданины язучы-прозаик һәм драматург Фоат Миңлеәхмәт улы Садриев, Татарстан Язучылар берлеге әгъзасы, язучы, Саҗидә Сөләйманова исемендәге премия иясе, РСФСРның халык мәгарифе отличнигы Хәбибуллина Роза Шакир кызы, Татарстанның атказанган укытучысы Низамова Роза Нәгыйм кызы катнашты. Бәйрәмне әзерләделәр Хәбибуллина Л.Я., Латыйпова А.Г., Ситдыйкова Э.Д., Заянова Л.Р., Вагыйзова Г.Р.