20 апрельдә татар теле һәм әдәбияты атналыгы кысаларында 10-11 сыйныф укучылары өчен Габдулла Тукайның 130 еллыгына багышланган “Тукай дәресе” узды. Укучылар шагыйрь иҗатына күзәтү ясадылар, шигырьләрен укыдылар “Тукай мәхәббәтенең биш мизгеле” исемле фильм карадылар. Әлеге чараны Латыйпова А.Г. әзерләде һәм уздырды. Шул ук көнне 7а һәм 7б сыйныфы укучылары “Тукай иҗатын беләсеңме?” исемле уенында көч сынаштылар. “Тукай оныклары” һәм “Мөслимлеләр” командылары Тукайның тормыш юлы, иҗаты буенча сорауларга җавап бирделәр, шигырьләрен сөйләделәр. 7б сыйныф укучыларының “Тукай оныклары” командысы җиңү яулады. Чараны Ситдыйкова Ч.И. һәм Латыйпова А.Г. уздырды. Республикакүләм уза торган “Тукай дәресләре” кысаларында Латыйпова А.Г. 5а сыйныф укучылары өчен “Г.Тукайның тормыш мизгелләре” исемле дәрес уздырды. Укучылар проект эшләрен якладылар, компьютер презентациясе һәм Тукай иҗаты буенча төшерелгән мультфильмнар карадылар.